Pýtın: Túrkııa men Reseı dostas elder
ASTANA. QazAqparat - Reseı prezıdenti Vladımır Pýtın «Tikeleı baılanys» barysynda birneshe eldermen aradaǵy qarym-qatynasqa syzat túskeni jaıly suraqtarǵa jaýap bere otyryp, Túrkııany jaý dep sanamaıtynyn jetkizdi, dep habarlaıdy Bı-bı-sı.
"Túrkııa eli men halqyn dosymyz dep sanaımyz. Keı saıasatkerlermen aramyzda kelispeýshilikter bar. Olardyń qylyqtaryn aqylǵa qonymsyz dep sanaımyz", - dedi prezıdent.
Túrkııaǵa qatysty taǵy bir saýalǵa jaýap bergen ol eldiń qazirgi bıligi lańkestikpen kúreske basa mán bermeı otyrǵanyn aıtty.
Pýtın elge qarsy kez-kelgen áreketterge jaýap qaıtarý kerektigin tilge tıek etti.
Ol Reseı jaý qorshaýynda qalmaıtynyna senimdi. Pýtınniń sózine qaraǵanda, Reseı álemniń kóptegen elderimen jaqsy qarym-qatynasyn saqtap otyr.
"BRIKS, ShYU bar, kórshilerimizben tatýmyz", - dedi ol.
Reseı men Túrkııa arasyndaǵy qatynas ótken jyly kúzde túrkııalyq joıǵysh ushaq Sırııada reseılik bombalaýshy ushaqty atyp túsirýi saldarynan ýshyǵyp ketti. Bombalaýshynyń ushqyshtary sekirip úlgergen. Alaıda onyń birin jerden atyp óltirgen.
