Pýtın Tramptyń «Beıbitshilik keńesine» 1 mıllıard dollar berýge daıyn

ASTANA.KAZINFORM - Reseı AQSh-tyń burynǵy ákimshiligi kezinen saqtalǵan aktıvterden 1 mıllıard dollardy «Beıbitshilik keńesine» aýdarýǵa daıyn.

Reseı prezıdenti Vladımır Pýtın bul týraly Reseı Qaýipsizdik keńesiniń turaqty múshelerimen ótken brıfıngte málimdedi, dep habarlaıdy TASS.

- Qazir de, tipti Beıbitshilik keńesine qatysýymyz jáne onyń jumysy týraly sheshim qabyldamas buryn da, Reseıdiń Palestına halqymen erekshe qarym-qatynasyn eskere otyryp, biz burynǵy AQSh ákimshiligi kezinen saqtalǵan reseılik aktıvterden 1 mıllıard dollardy «Beıbitshilik keńesine» aýdara alamyz dep oılaımyn, - dedi Pýtın.

Sonymen qatar, Reseı prezıdenti Máskeýdiń Vashıngtondaǵy aktıvterin paıdalanýdyń basqa da múmkindikterin talqylap jatqanyn atap ótti.

- Aıtpaqshy, AQSh-ta saqtalǵan aktıvterimizden qalǵan qarajat Reseı men Ýkraına arasyndaǵy beıbitshilik sharty jasalǵannan keıin shaıqas kezinde zaqymdalǵan aýmaqtardy qalpyna keltirýge paıdalanylýy múmkin. Biz bul múmkindikti AQSh ákimshiliginiń ókilderimen de talqylap jatyrmyz. Men osy máselelerdiń barlyǵyn Palestına prezıdenti Mahmýd Abbaspen talqylaýdy josparlap otyrmyn, - dep qosty Pýtın.

Buǵan deıin Donald Tramp Gaza sektoryn qalpyna keltirýdi úılestirý úshin «Beıbitshilik keńesin» qurǵanyn jarııalaǵany habarlanǵan bolatyn.

Onda Aq úı basshysy 22 qańtarda Davosta Beıbitshilik keńesiniń jarǵysyna qol qoıady.