Pýtın-Tramp kezdesýi halyqaralyq shıelenisti azaıtý jolyndaǵy dıplomatııalyq qadam – saıasattanýshy
ASTANA. KAZINFORM – Pýtın úshin AQSh prezıdentimen tikeleı dıalogqa qatysý – bul ýaqytsha bolsa da dıplomatııalyq jeńis. Mundaı pikirdi saıasattanýshy Qazbek Maıgeldınov bildirdi.
– Alıaskadaǵy Pýtın men Tramp kezdesýiniń qorytyndysyn aıtar bolsaq, negizi muny Ýkraınadaǵy soǵysty toqtatý maqsatynda kópten kútken kezdesý deýge bolady.
Birinshiden, «Tramptyń saılaýaldy naýqanda Ýkraınadaǵy soǵysty tez arada toqtatamyn» degen ýádesi aıasynda AQSh prezıdentiniń kezekti kezdesý óte me dep kópshiligi topshylady. Biraq, mundaı naqty kelisim bolmady. Kelissózder ekijaqty formatta, Eýropalyq odaqsyz ótti. Sondyqtan bul kelissózder Máskeý men Vashıngtonnyń múddesine saı ótti deýge bolady. Sebebi, onsyz da oqshaý otyrǵan Pýtın úshin AQSh prezıdentimen tikeleı dıalogqa qatysý – bul ýaqytsha bolsa da dıplomatııalyq jeńis.
Ekinshiden, AQSh úshin Tramptyń óz eloktraty men álemdik qaýymdastyq aldynda Pýtındi kelissóz júrgizýge qadam jasatý upaıy desek te bolady, - dedi ol.
Sarapshy kelissózderdiń 3 saǵatqa jýyq ýaqyt boıy jabyq esik jaǵdaıynda ótkenin aıtty.
– Tramp kezdesýge deıin Máskeýdi ymyraǵa keltirý úshin qatań eskertý jasaǵanyn bilemiz. Sol eskertýdiń jalǵasy «sanktsııany kúsheıtý» degen boljam bolǵan. ıAǵnı, «Reseı úshin onyń úlken saldary bolady» degen Tramp málimdesi taǵy bar. Biraq, kezdesý formatyna keler bolsaq, bul jerde Ýkraına múdesiniń qanshalyqty eskerilgeni ne eskerilmegeni belgisiz. Kelissózderdiń qorytyndysy boıynsha «taraptar túsinistikke keldi» degen málimdeme ǵana jasaldy.
Sondyqtan meniń paıymymsha, kelissózder naqty aıaqtalǵan joq. Ary qaraı Ýkraına jáne Batys elderiniń qatysýymen jalǵasýy tıis ekeniniń alǵysharty retinde qarastyrýǵa bolady. Bári Tramptyń Zelenskıımen qandaı ortaq kelisimge kele alatynyna jáne Vashıngton usynǵan sharttardy Kıevtiń maquldaý ne maquldamaýyna tikeleı baılanysty, - dedi ol.
Qazbek Maıgeldınov aldaǵy ýaqytta úshjaqty kezdesý bolýy yqtımal ekenin joqqa shyǵarmaıdy.
– Mundaı qadam jasalsa, onda keshegi kezdesýdiń ilgerileýin baıqaımyz. Buǵan deıin Aq úı Reseıdiń soǵysyna janama yqpal etkeni úshin Úndistan men Qytaıǵa sanktsııalyq tarıfter salǵan bolatyn. Endi Alıaskadaǵy dıalog nátıjesinde Tramp Qytaıǵa qatysty ekonomıkalyq qysymdy ázirshe toqtatyp, osy máseleni qaıta qaraýy múmkin ekendigine qatysty beıresmı aqparat bar. Sondyqtan Vashıngtonnyń Máskeýge jasaǵan bul qadamyn ymyra belgisi retinde qaraýǵa bolady. Eger Reseı shynymen beıbit kelisimge kelse, AQSh sanktsııalardy qatańdatpaıdy. ıAǵnı, Qytaıǵa jasalǵan mundaı qadam aldaǵy ýaqytta Reseıge de qoldanylýy múmkin degen oıǵa jeteleıdi. Eń mańyzdy qaıshylyq – kelissózderge Ýkraına tarabynyń shaqyrylmaýy. Odan keıin negizgi túıtkildi máseleler – soǵysty, atysty toqtatý boıynsha ortaq mámile, qujat nemese naqty merzim belgilenbedi. Sondyqtan Alıaskadaǵy Pýtın-Tramp kezdesýi halyqaralyq shıelenisti azaıtý jolyndaǵy tek dıplomatııalyq qadam retinde qarastyramyz. Al nátıjeler kútken deńgeıde bolmady, - dedi saıasattanýshy.
Buǵan deıin úsh saǵatqa jýyq ýaqyt kelissóz júrgizgen Tramp pen Pýtın kelisimge kele almaǵanyn jazǵan edik.