Pýtın Toqaevty Sankt-Peterbýrgke shaqyrdy
Reseı Prezıdenti Vladımır Pýtın Memleket basshysy Qasym-Jomart Toqaevty Sankt-Peterbýrgte ótetin Joǵary eýrazııalyq ekonomıkalyq keńes otyrysyna shaqyrdy, dep habarlaıdy Kazinform.
«Qasym-Jomart Kemelulymen qarasha aıynyń sońynda Mınskide UQShU sammıtinde taǵy da júzdesetin bolamyz. Sonymen qatar, Qazaqstan Prezıdentine jeltoqsanda Joǵary Eýrazııalyq ekonomıkalyq keńes otyrysyna, sonymen qatar dástúrge aınalǵan EAEO men TMD kóshbasshylarynyń beıresmı kezdesýine qatysý úshin Sankt-Peterbýrgke shaqyrýymdy berdim», - dedi Vladımır Pýtın Aqordada ótken kelissózderden keıingi baspasózge arnalǵan brıfıngte.
Sonymen qatar ol Reseı men Qazaqstan arasynda beıbit adam salasyndaǵy baılanystar sátti damyp kele jatqanyn, ýran óndirý jáne baıytý salasynda birlesken kásiporyn jumys istep turǵanyn aıtty.
«Qazaqstan naryǵynda kómir, mys jáne basqa da suranysqa ıe resýrstardy óndirý salasynda kóptegen iri reseılik taý-ken kompanııalary jemisti jumys isteýde. Elderimiz ónerkásiptik kooperatsııanyń birqatar iri birlesken jobalaryn júzege asyrýda. Biz bul kooperatsııany tereńdetýge, Qazaqstan aýmaǵynda qosymsha qýattardy qurýǵa, belgili bir tehnologııalar men quzyretterdi berýge daıynbyz», - dedi Reseı Prezıdenti.
