Pýtın Toqaevpen kezdesýde eki eldiń strategııalyq áriptestigin joǵary baǵalady
ASTANA. KAZINFORM — Vladımır Pýtın eki el halyqaralyq arenada jáne óńirlik uıymdar aıasynda belsendi qarym-qatynasty jolǵa qoıǵanyna nazar aýdardy. Bul týraly Aqorda málim etti.
Bıyl Reseı UQShU-ǵa, al Qazaqstan — EAEO-ǵa tóraǵalyq etedi. Sonymen qatar Vladımır Pýtın Qazaqstan men Reseıdiń tarıhı tamyrlastyǵy týraly sóz qozǵady.
— Búgin gospıtalge arnaıy barǵanyńyzdy bilemin. Omby Siz úshin Reseıdiń qatardaǵy qalasy emes. Bul jerde Sizdiń ákeńiz 1945 jyly qysta aýyr jaraqattan keıin em-dom alǵan. Biz Uly Otan soǵysy men halqymyzdyń natsızmdi jeńýge qosqan úlesin árdaıym este saqtaımyz. Qasym-Jomart Kemeluly, Sizben júzdeskenimizge qýanyshtymyz, — dedi Reseı Prezıdenti.
Áńgimelesý barysynda memleketter basshylary saýda-ekonomıkalyq baılanystardy odan ári nyǵaıtý, sonyń ishinde energetıka, kólik-logıstıka, ǵarysh, aýyl sharýashylyǵy salalaryndaǵy birlesken jobalardy júzege asyrý perspektıvasyn egjeı-tegjeıli talqylady. Budan bólek, prezıdentter halyqaralyq jáne óńirlik kún tártibindegi ózekti máseleler jóninde pikir almasty.
Aıta keteıik, Prezıdent Qazaqstan–Reseı óńiraralyq yntymaqtastyq forýmyna qatysý úshin Ombyǵa bardy.
