Pýtın Toqaevqa orys tilin damytý qoryn qurýǵa atsalysqany úshin alǵys aıtty

ASTANA. KAZINFORM – Reseı prezıdenti Vladımır Pýtın Memleket basshysy Qasym-Jomart Toqaevqa orys tilin damytý qoryn qurýǵa atsalysqany úshin alǵys bildirdi.

«Reseı joǵary oqý oryndarynda 60 myńǵa jýyq qazaqstandyq stýdent oqıdy. Qazaqstanda kóptegen jetekshi reseılik ýnıversıtetterdiń, sonyń ishinde Lomonosov atyndaǵy Máskeý memlekettik ýnıversıtetiniń fılıaldary uzaq ári tabysty jumys istep keledi. Al búgin Qostanaı qalasyndaǵy Chelıabi memlekettik ýnıversıteti fılıalyn uıymdastyrý týraly úkimetaralyq kelisimge qol qoıyldy. Jaqyn arada Astanada MGIMO fılıaly da jumys isteı bastaıdy. Aıtpaqshy, MGIMO-ǵa bıyl 80 jyl tolyp otyr. Qyrkúıek aıynda Astanada osy mereıtoıǵa arnalǵan iri halyqaralyq konferentsııa ótti. Onda Qazaqstan prezıdenti Qasym-Jomart Kemeluly sóz sóıledi. Onyń osy joǵary oqý ornyn bitirgeni belgili», — dedi Vladımır Pýtın birlesken brıfngte.

Sondaı-aq, ol Qazaqstan basshylyǵy orys tilin damytýǵa erekshe kóńil bólip otyrǵanyn atap ótti. qoldaıtynyn kórip otyrmyz.

«Qazaqstan Prezıdentine orys tili damytýǵa arnalǵan halyqaralyq uıym qurý týraly bastama kótergeni úshin rızamyn», — dedi Reseı prezıdenti.

Vladımır Pýtın Reseıdiń Qazaqstanda orys tildi mektepter salyp, jalpy orys tilindegi bilimniń sapasyn arttyrýǵa kómektesetinin atap ótti.

«Jaqyn arada Qazaqstanda osyndaı úsh mektepti ashýdy josparlap otyrmyz, — dedi V.Pýtın.