Pýtın, Sı Tszınpın jáne Tramptyń úshjaqty kezdesýi 19 qarashada Qytaıda ótedi

ASTANA. KAZINFORM — Reseı prezıdenti Vladımır Pýtın, Qytaı tóraǵasy Sı Tszınpın jáne AQSh prezıdenti Donald Tramptyń úshjaqty kezdesýi 19 qarashada Qytaıdyń Shenchjen qalasynda ótedi, dep jazady TASS

Pýtın, Sı Tszınpın jáne Tramptyń úshjaqty kezdesýi 19 qarashada Qytaıda ótedi
Foto: Anadoly

Bul týraly Reseı prezıdentiniń baspasóz hatshysy Dmıtrıı Peskov TASS agenttigine habarlaǵan.

— 19 qarashada prezıdent Pýtın, tóraǵa Sı jáne prezıdent Tramptyń úshjaqty kezdesýin ótkizý týraly kelisimge qol jetkizildi. Kezdesý Shenchjen qalasynda ATES sammıti aıasynda ótedi, — dedi Kreml ókili.

Osyǵan deıin AQSh prezıdenti Donald Tramp kelesi aptada Qytaıdyń Shenchjen qalasynda Reseı men Qytaı kóshbasshylarymen kezdesýdi josparlap otyrǵanyn jazǵanbyz. Úshjaqty kelissózderdiń negizgi taqyryptary ıadrolyq qarýdy qysqartý jáne Iranǵa qatysty jaǵdaı bolady.