Pýtın Sırııa daǵdarysyn retteýdegi Astana protsesine joǵary baǵa berdi
«Búgin ShYU jańa tolyq quqyly múshelermen tolyǵady. Bul memleketterdi qabyldaý protsesin iske qosý týraly sheshim Reseıdiń tóraǵalyǵy kezinde 2015 jyly Ýfada ótken sammıtte qabyldanǵan bolatyn. 2 jylǵa jetpeıtin ýaqyttyń ishinde Úndistan men Pákistan barlyq sharttardy oryndap, qajetti protsedýralardy aıaqtady. Endigi ýaqyttaǵy bizdiń maqsatymyz jańa seriktesterdiń ShYU aıasyna beıimdelýine kómek kórsetý bolmaq», - dedi Vladımır Pýtın.
Ol ShYU-nyń keńeıýi onyń saıası, ekonomıkalyq jáne gýmanıtarlyq salalardaǵy qýaty men yqpalynyń arta túsýine múmkindik beretinin aıtty.
«Biz birlese otyrysyp Taıaý Shyǵystaǵy, onyń ishinde Sırııadaǵy óńirlik janjaldardy retteýdegi kúsh-jigerimizdi birlese otyryp jandandyratyndyǵymyzǵa senimdimin. Sońǵy ýaqytta sırııalyq daǵdarystyń damýynda kóńilge senim uıalatyn múmkindiktiń paıda bolǵanyn atap ótkim keledi. Bul Reseı, Túrkııa jáne Irannyń kómegimen osy jerde, Astanada Sırııa boıynsha halyqaralyq kezdesýdiń bastalýymen tikeleı baılanysty. Endi sonyń negizinde áskerı is-qımyldy toqtatýǵa jáne Jenevadaǵy kelissózder protsesine serpin berýge shynaıy múmkindik paıda bolyp otyr», - dedi Pýtın.