Pýtın ShYU sammıtin Chelıabide ótkizý týraly jarlyqqa qol qoıdy

ASTANA. QazAqparat - Reseı prezıdenti Vladımır Pýtın ShYU-nyń kezekti sammıtin Chelıabi qalasynda ótkizý týraly jarlyqqa qol qoıǵanyn málim etti, dep habarlaıdy TASS.

«Qazir ǵana jarlyqqa qol qoıdym. Chelıabide menen qoǵamdyq uıymdardyń ókilderi men jetekshileri ShYU kezekti sammıtin ótkizýdi surady. Mine qazir ǵana jarlyqqa qol qoıdym»,- dedi RF basshysy «Reseı- múmkindikter eli» forýmyna qatysýshylarmen júzdesýi barysynda.

Naýryzdyń basynda uıymdastyrylǵan Jalpyreseılik halyq maıdanynyń  «Shyndyq jáne ádildik» atty medıaforýmy barysynda reseı kóshbasshysy ShYU sammıtin Chelıabide ótkizý múmkindigin joqqa shyǵarmaǵan bolatyn.

Aıta ketken jón, aǵymdaǵy jyly Shanhaı yntymaqtastyq uıymyna múshe memleket basshylary Keńesiniń otyrysy maýsymda Qytaı Halyq Respýblıkasynda bolady. Al Uıymǵa tóraǵalyq Qytaıǵa ótedi.