Pýtın RF prezıdenttigine kandıdat retinde tirkeldi
ASTANA. QazAqparat - Reseıdiń ortalyq saılaý komıssııasy Vladımır Pýtındi RF prezıdenttigine kandıdat retinde tirkeý týraly sheshim qabyldady, ol saılaýǵa ózin-ózi usynýshy retinde qatysady, dep habarlaıdy TASS.
«Reseı Federatsııasynyń prezıdenti qyzmetine kandıdat retinde Vladımır Vladımırovıch Pýtın tirkelsin»,-dep jazylǵan RF OSK qaýlysynda.
Pýtınniń kandıdattyqqa tirkelý jónindegi kýáligin onyń saılaýaldy shtabyndaǵy zańgerlik qyzmet jónindegi basshysy Sergeı Kabyshev aldy. Onyń aıtýynsha, Pýtın kandıdat bolyp tirkelgen soń saılaý naýqany kezinde ýaqytsha demalysqa ketýge mindetti emes.
Memlekettik joǵary qyzmettegi tulǵaǵa zańdyq turǵydan ruqsat beriletinin aıtqan ol, «joq. Ol qazir jumys istep turǵan prezıdent retinde óz mindetin atqara beredi»,-dedi.
Aıta keteıik, Pýtın kandıdattyqqa tirkelgen úshinshi adam bolyp otyr. Buǵan deıin LDPR basshysy Vladımır Jırınovskıı jáne KPRF partııasynan Pavel Grýdının tirkelgen. Olar parlamenttik partııalardyń atynan túskendikten ózderin qoldaý maqsatynda saılaýshylardan qol jınaýdan bosatyldy.
