Pýtın RF prezıdenti saılaýyna qatysatyndyǵyn jarııalady
ASTANA. QazAqparat - Vladımır Pýtın 2018 jyly jańa prezıdenttik merzimge saılaýǵa túsedi. Bul týraly memleket basshysynyń ózi GAZ avtozaýyty eńbekkerlerimen jáne ardagerlerimen kezdesýde málimdedi, dep habarlaıdy TASS .
«Iá, men Reseı Federatsııasy prezıdenti saılaýyna túsemin»,- dep málim etti ol.
Reseı basshysynyń sózin estigen kezdesýge qatysýshylar dý qol shapalaqtady. «Mundaı qoldaý kórsetkenderińizge rahmet», - dedi Pýtın zaýyt ujymyna óz rızashylyǵyn bildirip.
«Sizderdiń jumystaryńyzǵa, elimizge degen kózqarastaryńyzǵa alǵys aıtamyn»,- dep jalǵastyrdy ol.
«Biz birge bolsaq bári de jaqsy bolady»,- dep atap ótti RF prezıdenti.
Eske sala ketsek, Vladımır Pýtınniń ókilettik merzimi 2018 jyly aıaqtalady.
