Pýtın: Reseı sportshylary qysqy Olımpıada oıyndaryna qatysa alady

ASTANA. QazAqparat - Reseı Federatsııasynyń prezıdenti Vladımır Pýtın el sportshylarynyń 2018 jylǵy qysqy Olımpıada oıyndaryna beıtarap túrde qatysýǵa ruqsat berdi, dep jazady TASS.

Vladımır Pýtın Gorkovsk avtozaýytynda jumysshylarmen kezdesýi kezinde reseı sportshylarynyń Koreıada ótetin 2018 jylǵy qysqy Olımpıada oıyndaryna beıtarap túrde qatysýyna kedergi keltirmeıtindigin aıtty. 

«Sportshylarymyzǵa Olımpıadaǵa qatysýǵa kedergi bolmaımyz. Olar búkil ómirin osy oıyndarǵa daıyndyqpen ótkizip keledi, bul olar úshin óte mańyzdy. Sondyqtan, eshkimge tyıym salmaımyz»,-  dedi Pýtın.

Eske sala keteıik, Reseı quramasy 2018 jyly Ońtústik Koreıanyń Phenchhan qalasynda ótetin HHІІІ qysqy Olımpıada oıyndaryna óz elderiniń atynan qatysa almaıdy. Bul sheshimdi halyqaralyq Olımpıada komıteti Lozannada (Shveıtsarııa) ótken arnaıy otyrysta qabyldaǵan bolatyn.  

Phenchhandaǵy qysqy Olımpıada oıyndary  9-28 aqpan aralyǵynda ótedi.