Pýtın Reseı Ortalyq Musylmandar Dinı Basqarmasynyń 225 jyldyq mereıtoıyna qatysty
ASTANA. 24 qazan. QazAqparat - Qazan aıynyń 22-i kúni Ýfa qalasyna arnaıy barǵan Reseı Federatsııasynyń prezıdenti Vladımır Pýtın osy eldiń bedeldi musylman jetekshilerimen kezdesip, dinı uıymdar men otandyq dinı oqý oryndarynyń is-sharalaryn talqylady. Bul týraly muslim.kz saıty habarlady.
Derekkózdiń jazýynsha, RF prezıdenti sapary barysynda osy zamanǵy ýaqyt talabyna jaýap berý úshin otandyq musylmandardyń rýhanııat ordalarynyń abyroı-bedelin arttyrý qajettiligine toqtaldy.
Ol úshin eldegi dinı qaıratkerler álemdegi jáne Reseı Federatsııasyndaǵy ózekti máselelerge aralasyp, óz baǵalaryn berip otyrýy tıistigin eskertti.
Mańyzdy kezdesýden keıin ol Ortalyq musylmandar dinı basqarmasynyń qurylǵanyna 225 jyl tolýyna baılanysty ótkizilgen saltanatty sharaǵa qatysty.
Sharada jasaǵan baıandamasynda el prezıdenti ıslam dininiń Reseı mádenıeti men tarıhynyń ajyramas bóligi ekenin, el damýyna aıtarlyqtaı úles qosqan musylman jaýyngerleriniń, mádenıet pen óner qaıratkerleriniń, kásipkerlerdiń eren erlikteri men eńbekteriniń umytylmaıtynyn aıtty.
Sóziniń sońynda ol óskeleń urpaqty ózara qurmet pen syılastyqqa tárbıeleýge aıryqsha kóńil bólýge shaqyrdy.
