Pýtın Reseı men Ortalyq Azııa qandaı salalarda yntymaqtastyq ornata alatynyn aıtty

ASTANA. QazAqparat – Búgin Astanada ótip jatqan «Ortalyq Azııa – Reseı» sammıtinde Vladımır Pýtın Reseı men Ortalyq Azııa elderi arasynda damýy tıis basty baǵyttarǵa toqtaldy, dep habarlaıdy QazAqparat tilshisi.

«Bizdiń el Ortalyq Azııanyń birlesken energııa júıesin qalpyna keltirýge praktıkalyq kómek kórsetýge daıyn. Bul óńirdegi búkil elderdiń energetıkalyq qaýipsizdigin arttyra túsetini sózsiz. Reseı men Ortalyq Azııa elderi arasynda energetıkalyq qaýipsizdik salasyndaǵy yntymaqtastyq nyǵaıyp keledi. Reseı Ortalyq Azııa elderiniń ekonomıkasyna jetekshi ınvestor. Batys kompanııalary men operatorlarynyń qajetsiz qatysýyn boldyrmaıtyn qarjylyq esep aıyrysý tetikterin qaıta qurý jáne qaıta retteý tetigi iske qosyldy», - dedi Vladımır Pýtın Astanada ótip jatqan «Ortalyq Azııa – Reseı» sammıtinde.

Reseı basshysynyń málimdeýinshe, tikeleı ınvestıtsııa kólemi shamamen 5 mlrd dollardy quraıdy.

«SWIFT-tiń ornyna qazirdiń ózinde jaqsy qalyptasqan reseılik qarjylyq habarlama berý júıesiniń kelisimsharttyq esebin qoldanýǵa kóship jatyrmyz. Munaı tasymaldaý baǵyttaryn keńeıtý, Kaspıı teńizinde energııa resýrstarynyń qoryn birlesip ıgerý, qoljetimdi jáne taza gaz motorly otynmen qamtamasyz etýdiń perspektıvasy zor. Sondaı-aq, qubyrlardy salý jáne keńeıtý, kómir saýdasy men ony Azııa naryǵyna tasymaldaý kólemin ulǵaıtý da mańyzdy», - deıdi ol.

Aıta keteıik, Astanada «Ortalyq Azııa – Reseı» sammıti ótip jatyr. Jıynǵa 6 eldiń basshysy qatysýda.

Foto: t.me/bort_01