Pýtın: Reseı men AQSh arasyndaǵy baılanystyń qaıta jandanýyn bári quptaı bermeıdi

ASTANA.KAZINFORM —  Reseı Federatsııasynyń Prezıdenti Vladımır Pýtın FQQ alqasynyń otyrysynda sóz sóıledi, dep habarlaıdy Kazinform TASS agenttigine silteme jasap.

- Biz Reseı men AQSh arasyndaǵy baılanystardyń qaıta jandanýyn bári birdeı quptaı bermeıtinin túsinemiz. Batys elıtasynyń bir bóligi álemdegi turaqsyzdyqty saqtap qalýǵa múddeli bolyp otyr. Bul kúshter bastalǵan dıalogty buzý nemese bedelin túsirýge tyrysady. Biz muny eskerýimiz kerek jáne osyndaı áreketterdiń jolyn kesý úshin dıplomatııa men arnaıy qyzmetterdiń barlyq múmkindigin paıdalanýymyz qajet, - dedi Vladımır Pýtın.

Buǵan deıin Tramp aqpan aıynyń sońyna deıin Pýtınmen kezdesýi múmkin ekenin málimdegen bolatyn.

Aıta keteıik, 18 aqpanda Saýd Arabııasynyń Er-Rııad qalasynda Reseı men AQSh delegatsııalary arasynda kelissózder ótti, olar shamamen 4 saǵatqa sozyldy. 

Saýd Arabııa astanasy Er-Rııad qalasynda AQSh pen Reseı delegatsııasy kelissózderi týraly tolyǵyraq silteme arqyly ótip tanysa alasyzdar.