Pýtın Reseı halqyna joldaýyn jarııalady
MÁSKEÝ. QazAqparat - RF Prezıdenti Vladımır Pýtın RF Federaldyq jınalysyna dástúrli jyl saıynǵy joldaýyn jarııalap, eldegi ahýalǵa baǵa berdi, sondaı-aq ishki jáne syrtqy saıasattyń negizgi damý baǵyttaryn belgiledi. Bul týraly «QazAqparat» HAA menshikti tilshisi habarlaıdy.
Reseı kóshbasshysy atap ótkendeı, bul joldaý aldaǵy on jyldaǵy el taǵdyryn anyqtaıdy.
El prezıdenti óziniń joldaýynda adamdardyń densaýlyǵyn jaqsartý, reseılik otbasylardyń molshylyqta ómir súrýin - basty basymdyq retinde atap kórsetken.
V. Pýtın aıtqandaı, 2018 jyldyń 1 mamyrynan bastap RF-te eń tómengi kúnkóris deńgeıi eń tómengi eńbekaqy kólemine teńestirilgen normasy jumys isteı bastaıdy. Bul eldegi tórt mln adamnyń tabysyna oń yqpal etedi.
Aıta keteıik, V. Pýtınniń 14-shi joldaýyn jarııalaý rásimi Máskeýde, «Manej» ortalyq kórme zalynda ótken. Oǵan Federatsııa keńesiniń músheleri, Memlekettik Dýma depýtattary, úkimet músheleri, óńir basshylary, qoǵam qaıratkerleri, iri BAQ basshylary qatysqan.
