Pýtın «Reseı halqy Assambleıasy» uıymyn qurý týraly Jarlyqqa qol qoıdy
MÁSKEÝ. TASS. QazAqparat - Reseı prezıdenti Vladımır Pýtın «Reseı halqy Assambleıasy» búkilreseılik qoǵamdyq-memlekettik uıymyn qurý týraly Jarlyqqa qol qoıdy, dep habarlaıdy QazAqparat TASS agenttigine silteme jasap.
Qujat juma kúni Quqyqtyq aqparattyń resmı ınternet-portalynda jarııalandy.
«Qoǵamdyq birlestikterdiń qatysýymen «Reseı halqynyń Assambleıasy» búkilreseılik qoǵamdyq-memlekettik uıymyn qurý oryndy dep sanalsyn», - delingen Jarlyqta.
Uıym «memlekettik ulttyq saıasatty jetildirý, búkilreseılik azamattyq biregeılik pen ultaralyq kelisimdi nyǵaıtýǵa járdemdesý maqsatynda» quryldy.
Assambleıanyń quryltaıshysy Ulttar isteri jónindegi federaldyq agenttik bolyp belgilendi. Uıym qyzmetiniń negizgi baǵyttary Reseı Federatsııasynyń 2025 jylǵa deıingi kezeńge arnalǵan memlekettik ulttyq saıasatynyń strategııasyn iske asyrýǵa qatysý, Reseı halyqtarynyń etnomádenı jáne tildik ártúrliligin saqtaý, baıyrǵy az halyqtardyń quqyqtaryn saqtaýǵa járdemdesý, shetelde turatyn otandastarǵa qoldaý kórsetýge qatysý jáne t. b. bolady.
