Pýtın prezıdent saılaýyna túsýge sheshim qabyldaýy múmkin - Reıter
ASTANA. 29 shilde. QazAqparat - Reseı Premer-Mınıstri Vladımır Pýtın 2012 jyly ótetin prezıdent saılaýynda baq synap kórýge sheshim qabyldaýǵa jaqyn.
Bul jóninde «Reıter» agenttigine Máskeýdegi joǵary laýazymdy derekkózderi málimdegen.
2000-2008 jyldary Reseıdi basqarǵan Pýtınniń endi kezekti ret saılaý dodasyna qatysýǵa zańdy quqyǵy bar ekenin eske salady agenttik. Óz esimin jarııalamaýdy ótingen joǵary laýazymdy tulǵa agenttikke: «Meniń oıymsha Pýtın saılaýǵa túsedi, ol bul jóninde sheshim qabyldap qoıdy», - degen kórinedi.
Esimin jarııalamaýdy ótingen taǵy bir joǵary laýazymdy adam «Reıterge»: «Pýtınniń qaıtyp kelgisi keledi, sózsiz qaıtyp kelgisi keledi», - degen.
Agenttiktiń taǵy bir derekkózi Pýtınniń saılaýǵa túsýdi oılaıtynyn, jeńiske jetken jaǵdaıda onyń reformashy-premerdi taǵaıyndaýy múmkin ekenin jetkizgen.
