Pýtın, Pashınıan men Alıev Taýly Qarabaqtaǵy ınfraqurylymdyq jobalardy birge damytpaq
Aıta keteıik, Máskeýde RF Prezıdenti Vladımır Pýtın, Ázerbaıjan Prezıdenti Ilham Alıev pen Armenııa Premer-Mınıstri Nıkola Pashınıannyń kelissózi aıaqtaldy. Úshjaqty kezdesý 4 saǵatqa sozyldy.
Osyǵan deıin Pýtınniń ázerbaıjandyq jáne armıan áriptesimen jeke-jeke ekijaqty kezdesý ótkizetini de habarlanǵan bolatyn.
Úshjaqty kezdesý jabyq esik jaǵdaıynda ótti. Tek Pýtın ǵana kezdesý bastalar aldynda kópshilik aldynda sóz sóıledi. Reseı Prezıdenti Ázerbaıjan jáne Armenııamen tatý kórshilik qarym-qatynasty jaqsy baǵalaıtynyn, sondaı-aq Ázerbaıjan men Armenııa tarapynyń Reseıdiń Taýly Qarabaqtaǵy atysty toqtatý jónindegi «deldaldyq» áreketine qoldaý kórsetkenine rızashylyǵyn bildirdi.
Pýtın 2020 jyldyń qarashasynda jasalǵan kelisimder ret-retimen júzege asyrylyp jatqanyn jáne osy árekettiń Taýyl Qarabaqtaǵy shıelenisti Armenııa men Ázerbaıjan halqynyń múddesine saı, ádil retteýge uzaqmerzimdi ári tolyqqandy negiz qalaıtynyn atap ótti.
