Pýtın óz izbasarynyń «jas, biraq kemel» adam bolýy kerektigin málimdedi
ASTANA. QazAqparat - Reseı prezıdenti Vladımır Pýtın Blýmberg agenttigine bergen suhbatta 2018 jylǵy prezıdent saılaýyna qatysý týraly naqty sheshim qabyldamaǵanyn málimdedi. Sonymen birge, Pýtın óz izbasarynyń qandaı bolýy kerektigin sıpattap berdi.
«Qazir biz parlamenttik saılaýlar aldynda turmyz. Osy saılaýlardy ótkizip, nátıjesine qaraý kerek. Tipti odan keıin de aldymyzda eki jyl ýaqyt bar. Sondyqtan, bul týraly áńgimelesýge áli erte. Bilesiz be, zamanaýı, myń qubylatyn álemde bul týraly áńgimelesý tipti zııan», - dep Pýtınniń sózin keltirdi Bı-bı-sı Orys qyzmeti.
Eger Pýtın jańa saılaý dodasyna túspeýdi uıǵarsa, onyń ornyna izbasary prezıdenttikke úmitker bolady. Pýtınniń aıtýynsha, ol «óte jas, biraq óte kemel» adam bolýy tıis.
Sonymen birge, prezıdent óziniń bolýy yqtımal izbasaryna Reseı damýy jaıly óz kózqarasyn uqtyrýǵa tyrysatynyn aıtty.
Jáne Pýtın jaqynda ǵana qatarynan birneshe aımaqtyń basshylyǵyna arnaıy qyzmet ókilderiniń taǵaıyndalýyna qatysty pikir bildirdi. Ol arnaıy qyzmet ókilderiniń eldegi laýazymdy qyzmetke taǵaıyndalýynan esh ábestik kórip turǵan joq.
