Pýtın men Ýıtkofftyń kelissózi aıaqtaldy

ASTANA. KAZINFORM – Kezdesý Kremlde ótti, shamamen úsh saǵatqa sozyldy. Oǵan sondaı-aq Reseı prezıdentiniń kómekshisi ıÝrıı Ýshakov pen Reseıdiń Tikeleı ınvestıtsııalar qorynyń (RFPI) basshysy Kırıll Dmıtrıev te qatysty.

Kelissózderdiń qorytyndysy boıynsha Kırıll Dmıtrıev X áleýmettik jelisinde bylaı dep jazdy:

– Máskeýde - prezıdent Pýtın men Stıven Ýıtkofftyń kezdesýi. Іlgerileýge qol jetkizip jatyrmyz.

Óz kezeginde, Reseı basshysynyń kómekshisi ıÝrıı Ýshakov jýrnalısterge bergen suhbatynda kezdesýdiń konstrýktıvti jáne paıdaly sıpatta ótkenin málimdedi. Áńgime Reseı men AQSh-tyń ustanymdaryn tek Ýkraına máselesinde ǵana emes, basqa da birqatar halyqaralyq máseleler boıynsha jaqyndatýǵa múmkindik berdi.

Onyń aıtýynsha, Reseı men Ýkraına arasyndaǵy tikeleı kelissózderdi qaıta bastaý múmkindigi de sóz bolǵan.

Sondaı-aq, ol Reseı-AQSh dıalogynyń túrli deńgeıde belsendi túrde jalǵasa beretinin atap ótti.

Ýıtkoff Máskeýge 25 sáýir kúni tańerteń kelgen. Keıinirek Reseı prezıdentiniń baspasóz hatshysy D. Peskov reseılik kóshbasshy men amerıkalyq ákimshilik ókiliniń kezdesýi bastalǵanyn habarlady, sondaı-aq olardyń bir-birimen amandasqan sáti túsirilgen vıdeo jarııalandy.

BAQ-ta sondaı-aq Ýıtkofftyń Máskeý ortalyǵynda Reseı prezıdentiniń shet eldermen ınvestıtsııalyq-ekonomıkalyq yntymaqtastyq jónindegi arnaıy ókili Kırıll Dmıtrıevpen birge serýendegen vıdeosy tarady.

Buǵan deıin AQSh Prezıdentiniń arnaıy ókili mingen ushaq Reseıge kelgeni, sondaı-aq Pýtın men Tramptyń arnaıy ókili Ýıtkoff arasyndaǵy kelissózderdiń bastalǵany habarlanǵan bolatyn.

Eske sala keteıik, bul olardyń sońǵy eki apta ishindegi ekinshi kezdesýi. Buǵan deıin olar 11 sáýirde Sankt-Peterbýrgte kezdesip, ol kezdesý shamamen bes saǵatqa sozylǵan.