Pýtın men Ýıtkoff kezdesýi: AQSh joldaǵan tórt qujat talqylandy

ASTANA. KAZINFORM — Ýkraına jónindegi AQSh-tyń beıbit josparyndaǵy alǵashqy nusqadan keıin Reseı taǵy tórt qujat aldy, olar RF prezıdenti Vladımır Pýtınniń amerıkalyq ókildermen Kremldegi kezdesýinde talqylandy, dep habarlaıdy TASS.

Bul týraly Reseı prezıdenti Vladımır Pýtınniń kómekshisi ıÝrıı Ýshakov habarlady.

— Eger kópshilikti onyń tarmaqtary ǵana qyzyqtyrsa, onda 27 tarmaqtan turatyn qujat boldy, — dedi Ýshakov.

Onyń aıtýynsha, AQSh prezıdenti Donald Tramptyń bul beıbitshilik jospary Máskeýge berilgen, biraq ol boıynsha eshqandaı talqylaýlar bolǵan joq.

Ýshakov atap ótkendeı, Reseı tarapy taǵy tórt qujat aldy, olar Pýtınniń Ýıtkoff jáne Kýshnermen kezdesýinde talqylandy.

— Men bul qujattarǵa qatysty ashyp aıta almaımyn. Olardyń barlyǵy Ýkraınadaǵy daǵdarysty uzaq merzimdi beıbit jolmen sheshýge qatysty, — dedi Kreml ókili.

Qosymsha suraqtarǵa jaýap retinde ol «bastapqyda bir nusqa bolǵanyn, sodan keıin bul nusqa naqtylanǵanyn jáne bireýiniń ornyna tórt nusqa paıda bolǵanyn» atap ótti. Degenmen, Reseı prezıdentiniń kómekshisi olardyń mazmunyn ashýdan bas tartty.

Esterińizge sala keteıik, Reseı prezıdenti Vladımır Pýtın buǵan deıin Kremlde AQSh prezıdentiniń arnaıy ókili Stıven Ýıtkoffpen bes saǵatqa jýyq ýaqytqa sozylǵan kezdesý ótkizgen bolatyn.