Pýtın men Tramptyń telefonmen júrgizilgen kelissózderiniń qorytyndysy

ASTANA. KAZINFORM – Osyǵan deıin Reseı men AQSh prezıdentteri telefon arqyly sóılesti. Prezıdentter Ýkraına aımaǵynda qalyptasqan jaǵdaı týraly pikir almasty, dep habarlaıdy Kazinform agenttiginiń menshikti tilshisi.

Путин және Трамп
Фото: © Sputnik / Сергей Гунеев

Vladımır Pýtın Donald Trampqa atysty toqtatý maqsatynyń oryndalýyna yqpal etýge degen umtylysy úshin rızashylyǵyn bildirdi.

Habarlamada Pýtın Donald Tramptyń 30 kúndik energetıkalyq ınfraqurylymǵa shabýyl jasamaý jónindegi bastamasyna qoldaý bildirip, birden áskerge tıisti buıryq berdi.

Sonymen qatar ol 19 naýryz kúni «175 na 175» formatynda kepildegi sarbazdar almastyrylatynyn habarlady. Máskeý aýyr jaralanyp, Reseı aýrýhanalarynda em alyp jatqan 23 ýkraın sarbazyn eline qaıtaratynyn aıtty.

AQSh pen Reseı Ýkraınadaǵy shıelenisti retteý úshin sarapshylar tobyn qurmaq.

Kóshbasshylar sonymen qatar halyqaralyq deńgeıdegi máselelerdi talqylady. Onyń ishinde AQSh-tyń hýsıtterge qarsy operatsııa júrgizip jatqan Qyzyl teńiz ben jalpy Taıaý Shyǵystaǵy jaǵdaı da bar.

- Shıelenis aımaqtaryndaǵy jaǵdaıdy turaqtandyrýǵa, ıadrolyq qarýdy taratpaý men jahandyq qaýipsizdikti qamtamasyz etýge birlesip, kúsh jumyldyrylady. Bul reseılik-amerıkalyq qarym-qatynastardy ońaltýǵa yqpal etedi, - delingen Kreml habarlamasynda.

Pýtın shıelenisti beıbit jolmen sheshýge beıil ekendigin bildirip, osy baǵyttaǵy sheshimderdi AQSh-pen birge búge-shigesine deıin daıyndaýǵa daıyn ekenin jetkizdi jáne bul sheshimder keshendi, turaqty jáne uzaqmerzimdi bolýy kerek.

Taraptar sonymen qatar ekijaqty qarym-qatynasty jetildirýge múddeli ekendikterin málimdedi. Prezıdentter osy talqylanǵan máseleler boıynsha baılanysta bolýǵa kelisti.

Osyǵan deıin Pýtın men Tramp telefon arqyly sóıleskenin jazdyq.

Aqordanyń baspasóz qyzmeti Qazaqstan Prezıdentiniń osy kelissózderdiń qorytyndysyn qoldaıtynyn jetkizdi.

Сейчас читают