Pýtın men Tramptyń telefon arqyly kelissózi bastaldy — Aq úı
ASTANA. KAZINFORM – Pýtın men Tramptyń arasyndaǵy ekeýara telefon arqyly áńgimesi bastaldy. Bul týraly Aq úı málim etti, dep jazdy BBC.
Tramptyń baspasóz hatshysynyń aıtýynsha, Amerıka men Reseı prezıdentteri kelissózderdi saǵat 14:00–den (Máskeý ýaqytymen 17:00) jalǵasyp jatyr.
— Kelissóz jalǵasyp jatyr, jaqsy júrip jatyr, — dep jazdy AQSh prezıdentiniń baspasóz hatshysy Den Skavıno X.
Buǵan deıin Tramp Pýtınmen Reseı-Ýkraına soǵysyndaǵy bitimge kelý sharttaryn talqylaýǵa ýáde bergen edi.
Peskov buǵan deıin Pýtın men Tramptyń sóılesýi 18 naýryzǵa josparlanǵanyn aıtqan bolatyn. Ol áńgimelesý qansha qajet bolsa, sonsha ýaqytqa sozylatynyn aıtty. Tramp jýrnalısterge Ýkraınadaǵy qaqtyǵys aıasynda aýmaqtyq jáne ınfraqurylymdyq máselelerge erekshe nazar aýdarýǵa nıetti ekenin bildirdi.
Peskov sondaı-aq Pýtın men Tramptyń sóılesýi eki jaqtyń bastamasymen ótetinin málim etken bolatyn.