Pýtın men Tramptyń sóılesýi eki jaqtyń bastamasymen ótedi — Peskov

ASTANA.KAZINFORM — Reseı prezıdentiniń baspasóz hatshysy eki el basshylary áńgimesiniń qorytyndysy baspasózge habarlanatynyn aıtty, dep jazady TASS.

Vladımır Pýtın men Donald Tramptyń aldaǵy áńgimesi eki jaqtyń da bastamasymen ótedi. Bul týraly TASS agenttiginiń saýalyna jaýap bergen Reseı prezıdentiniń baspasóz hatshysy Dmıtrıı Peskov habarlady.

— Bul ózara kelisim, — dedi Kreml ókili.

Peskov eki el basshylary áńgimesiniń nátıjesi týraly baspasózge habarlanatynyn atap ótti.

— Biz qalaı bolatynyn áli sheshken joqpyz, biraq mindetti túrde habar taratamyz, — dep sendirdi ol.

Peskov buǵan deıin Pýtın men Tramptyń sóılesýi 18 naýryzǵa josparlanǵanyn aıtqan bolatyn. Ol áńgimelesý qansha qajet bolsa, sonsha ýaqytqa sozylatynyn aıtty. Tramp jýrnalısterge Ýkraınadaǵy qaqtyǵys aıasynda aýmaqtyq jáne ınfraqurylymdyq máselelerge erekshe nazar aýdarýǵa nıetti ekenin bildirdi.