Pýtın men Tramp telefon arqyly sóılesti

ASTANA. KAZINFORM – Donald Tramp pen Vladımır Pýtın 2 saǵattan astam ýaqyt telefon arqyly sóılesti, dep habarlaıdy reseılik TASS.

Taraptar Ýkraınamen aradaǵy jáne Taıaý Shyǵystaǵy jaǵdaıdy, Sırııadaǵy oqıǵalardyń damý barysyn, energetıkadaǵy birlesken ekonomıkalyq jáne ǵaryshty zertteý baǵytyndaǵy jobalardy talqylady.

RF prezıdentiniń kómekshisi ıÝrıı Ýshakovtyń sózinshe, Tramp Pýtınmen áńgime barysynda Ýkraınadaǵy áskerı áreketterdi shuǵyl toqtatý jóninde suraq qoıdy.

- Vladımır Pýtın Reseı tarapynyń kelissózderdi jalǵastyrýǵa daıyn ekenin aıtty, - dep málimdedi Kreml ókili.

Bul rette Reseı basshysy Máskeýdiń daǵdarystyń alǵashqy sebepterin joıýǵa kúsh salatynyn jáne óziniń maqsattarynan bas tartpaıtynyn atap ótti.

Pýtın sonymen qatar Trampqa sáttilik tilep, shildeniń 4-i kúni ótetin AQSh-tyń Táýelsizdigi kúnimen quttyqtaǵan.

Osyǵan deıin Tramptyń AQSh-tyń Sırııaǵa qarsy sanktsııalaryn alyp tastaǵany týraly jazdyq.