Pýtın men Tramp Sırııa daǵdarysyn áskerı jolmen sheshýge bolmaıtynyn málimdedi
ASTANA. QazAqparat - RF jáne AQSh prezıdentteri - Vladımır Pýtın men Donald Tramp Sırııa daǵdarysyn áskerı jolmen sheshýge bolmaıtyny jóninde birlesken málimdeme jasady, dep habarlaıdy TASS.
Danangtaǵy Azııa-Tynyq muhıt ekonomıkalyq yntymaqtastyǵynyń sammıtinde jasalǵan málimdemede «Sırııadaǵy qaqtyǵystardy áskerı jolmen sheshýge bolmaıtyny, BUU Qaýipsizdik keńesiniń № 2254 qararyna sáıkes, Jeneva protsesi aıasynda saıası jolmen tolyq rettelýi qajet ekeni» aıtylady.
RF jáne AQSh prezıdentteri Sırııanyń egemendigi, táýelsizdigi jáne aýmaqtyq birtutastyǵy sózsiz moıyndalatynyn rastady.
