Pýtın men Tramp Helsınkı sammıtiniń qorytyndysy boıynsha suhbat berdi
HELЬSINKI. QazAqparat - AQSh prezıdenti Donald Tramp pen Reseı prezıdenti Vladımır Pýtınniń Helsınkıdegi kezdesýi josparlanǵannan 90 mınýtqa uzaqqa sozyldy, dep habarlaıdy «QazAqparat» HAA.
Kezdesý 4 saǵatqa jýyq ýaqytqa sozyldy. Memleket basshylarynan bólek kezdesýge tek aýdarmashylar ǵana qatysty. Buqaralyq aqparat quraldary ókilderinen kezdesý ótetin oryndy bosatýdy surady.
Aıta ketetin másele, Tramp pen Pýtınnniń G20 aıasyndaǵy ótken jyly bolǵan sońǵy kezdesýi de kelisilgennen kóp ýaqytqa sozylǵan bolatyn, dep jazady SNN.
Buqaralyq aqparat quraldary ókilderiniń biri AQSh prezıdentinen kezdesýdiń qalaı ótkenin surady. Oǵan jaýap retinde prezıdent kezdesýdiń jaqsy bastamaǵa negiz bolǵanyn aıtty.
Kezdesýden soń Reseı men AQSh tarapy túski astan keıin keńeıtilgen quramda kezdesý ótkizip, artynan birlesken baspasóz máslıhaty uıymdastyryldy.
Yńǵaısyz jaǵdaılar da bolmaı qoımady. Baspasóz máslıhatynyń aldynda tilshilerdiń birin zaldan shyǵaryp jiberdi. Ol «ıAdrolyq qarýǵa tyıym salý kelisimi» degen jazý ustap turǵan edi. Alaıda bul jaǵdaı baspasóz máslıhatynyń talapqa saı ótýine kedergi bolǵan joq.
Baspasóz máslıhaty bastalysymen sóz alǵan Vladımır Pýtın AQSh basshysymen bolǵan kezdesýdiń ashyq ári iskerlik baǵytta órbigendigin jetkizdi.
Ol kezdesýdiń sátti ári jemisti bolǵandyǵyn aıtty. Soǵan qaramastan Reseı basshysy AQSh pen Reseı arasyndaǵy qarym-qatynastyń sońǵy ýaqytta kúrdeli bolǵandyǵyn atap ótti.
«Barshaǵa aıan, ekijaqty qarym-qatynas kúrdeli jaǵdaıda. Alaıda jaǵdaı ýshyǵyp barady dep aıta almaımyz»,-degen oıyn jetkizdi Pýtın.
Baspasóz máslıhatynda Reseı kóshbasshysy kelissózder barysynda Vashıngtonnyń Iran boıynsha kelisimnen bas tartqandyǵyna alańdaýshylyq bildirgenin jetkizdi.
«ıAdrolyq kelisimniń arqasynda Iran MAGATE-niń baqylaýyndaǵy jáne álemdegi eń jan-jaqty tekserilgen el bolyp otyr»,-dep qosty Pýtın.
Pýtın basty nazardy 2016 jylǵy amerıkalyq saılaý protsesine aýdaryp, bul úderiske Máskeýdiń eshqandaı qatysy bolmaǵanyǵyn aıtty.
«Tramp AQSh-taǵy saılaý úderisine Reseıdiń aralasqandyǵy jónindegi máseleni taǵy kóterdi. Maǵan osyǵan deıingi kezdesýlerde san márte qaıtalaǵan sózdi taǵy bir ret aıtý qajet boldy. ıAǵnı, Reseı saılaý úderisin qosa alǵanda, AQSh-tyń ishki isine aralasqan emes jáne aralasatyn oıy da joq»,-dedi Reseı prezıdenti.
TASS agenttiginiń habarlaýynsha, Reseı prezıdenti Vladımır Pýtın amerıkalyq áriptesi Donald Tramppen bolǵan kezdesýdiń qorytyndylaryna kóńili tolady.
«Amerıka Qurama Shtattarynyń prezıdenti Donald Tramp myrzamen bolǵan kelissózder ashyq ári iskerlik atmosferada ótti. Men kezdesýdi sátti ári paıdaly boldy dep oılaımyn»,-dep málimdedi Reseıdiń Memleket basshysy Reseı-AQSh kezdesýinen soń bolǵan baspasóz máslıhatynda.
Pýtınniń sózinshe, kóshbasshylar Reseı-AQSh qarym-qatynasynyń qazirgi jaǵdaıy men bolashaǵyn jáne halyqaralyq kún tártibindegi sheshýshi taqyryptardy talqylaǵan.
CNN-niń habarlaýynsha, Tramp Vashıngton men Máskeýdiń arasy osynshama qıyn jaǵdaıda bolmaǵandyǵyn aıta kele, alaıda jaǵdaıdyń 4 saǵat buryn ǵana múldem ózgergendigin jetkizgen.
Tramp Vladımır Pýtınmen bolǵan kezdesýdiń eki arasyndaǵy qarym-qatynasty aıtarlyqtaı ońaltqandyǵyn málimdedi.
AQSh prezıdentiniń málimdeýinshe, dıalog pen kezdesýden bas tarta salý áldeqaıda jeńil bolar edi, alaıda ol eshqandaı da nátıje bermes edi.
Ol sondaı-aq sózinde reseılik áriptesimen betpe-bet ótkizgen kezdesýinde ıadrolyq qarýdy taratpaý, Soltústik Koreıa men terrorızmdi qaýipti qarýlardan tazartý máselelerin sóz etkendigin atap ótti.
Kezdesý barysynda Donald Tramp Pýtındi jaqsy qarsylas dep baǵalady jáne bul sózdiń jaqsy maǵynasynda aıtylǵandyǵyna nazar aýdardy.
Ol Vashıngton men Máskeý arasyndaǵy jaǵdaıdyń kúrdelenip ketkenine eki taraptyń da kinási bar degen oıyn jetkizdi.
«Menińshe, Amerıka Qurama shtattarynyń áreketi aqylǵa qonymdy bolmady. Bizge osy taza dıalogty baıaǵyda-aq uıymdastyrý kerek edi. Bárine ózimiz kinálimiz»,-dedi Tramp.
Taraptardyń kelissózder barysynda ekonomıkalyq yntymaqtastyqty damytý máselesi sóz bolǵandyǵy aıtyldy. Naqtyraq aıtqanda, AQSh pen Reseı bıznesi kapıtandarynyń jumys toby qurylmaq.
Kóshbashylardyń ekeýi de eki el arasyndaǵy yntymaqtastyq Sırııadaǵy myńdaǵan adamdardyń ómirin saqtaý qalý múmkindigin rastady.
Pýtınniń pikirinshe, Máskeý men Vashıngton Sırııadaǵy daǵdarysty retteýmen qatar, álemdik munaı men gaz naryǵyndaǵy baǵany da birlesip retteýge múmkindikteri bar.
Aıta ketetin másele, baspasóz máslıhaty barysynda Vladımır Pýtın óziniń amerıkalyq áriptesine fýtboldan álem chempıonatynyń dobyn syılap, AQSh, Kanada jáne Meksıkada ótetin ÁCh-2026 sharasyn sátti ótkizýdi tiledi.
Foto:Mıhaıl Mettsel/TASS
