Pýtın men Tramp Ankorıdjdegi áskerı bazada kezdesedi – CNN

ASTANA. KAZINFORM – Donald Tramp pen Vladımır Pýtınniń sammıti ótetin oryndy tańdamaq bolǵan amerıkalyq sheneýnikterdiń aldynda kúrdeli másele týyndady: jaz – Alıaskadaǵy týrıstik maýsymnyń shyńy, al eki álem kóshbasshylaryn qabyldaýǵa qolaıly jáne qoljetimdi oryndardyń sany óte shekteýli bolyp shyqty, dep habarlaıdy Kazinform CNN telearnasyna silteme jasap.

Sammıtti uıymdastyrýshylar keń-baıtaq shtattaǵy kezdesýdi ótkizýge qolaıly nusqalary bar jalǵyz qala - Ankorıdj degen qorytyndyǵa keldi. Bul tarıhı kezdesýdiń qaýipsizdik talaptaryna tek qalanyń soltústik shetinde ornalasqan Elmendorf-Rıchardson áskerı bazasy ǵana jaýap beredi. Degenmen Aq úı AQSh áskerı qondyrǵysynda kezdeskisi kelmeıdi. 

Aq úıdiń eki resmı ókiliniń aıtýynsha, lıderler juma kúni dál osy jerde kezdesedi. 

– AQSh pen Reseı sheneýnikteri kezdesýge daıyndyqty jedeldetip jatqandyqtan, sammıt áli de jalǵasyp jatqan jumys bolyp qala beredi. Memlekettik hatshy Marko Rýbıo men Syrtqy ister mınıstri Sergeı Lavrov seısenbi kúni «daıyndyqtyń keıbir aspektilerin» talqylady, - dep habarlady Reseı Syrtqy ister mınıstrligi. 

Budan buryn habarlaǵanymyzdaı, Aq úı Tramp pen Pýtın kezdesýiniń maqsatyn atady. Sondaı-aq Alıaskada Pýtın men Tramptyń kezdesýine oraı qaýipsizdik sharalary kúsheıtildi.