Pýtın men Netanıahý Gaza sektoryndaǵy ahýaldy talqylady

ASTANA. KAZINFORM — Reseı prezıdenti Vladımır Pýtın men Izraıl premer-mınıstri Bınıamın Netanıahý telefon arqyly sóılesip, Taıaý Shyǵystaǵy ahýaldy, sonyń ishinde Gaza sektoryndaǵy jaǵdaıdy talqylady. Bul týraly Kremldiń baspasóz qyzmeti habarlady.

Kreml taratqan aqparatqa súıensek, taraptar óńirdegi jaǵdaı boıynsha jan-jaqty pikir almasqan. Olar Gaza sektoryndaǵy oqıǵalardyń órbýin, atysty toqtatý jáne tutqyndar almasý jónindegi kelisimdi iske asyrý barysyn qarastyrdy. Budan bólek, áńgime barysynda Irannyń ıadrolyq baǵdarlamasyna qatysty ahýal jáne Sırııadaǵy turaqtandyrý úderisine járdemdesý máseleleri de sóz bolǵan.

Aıta keteıik, 6 qazanda Izraıl men HAMAS delegatsııalary Mysyr, Qatar, AQSh jáne Túrkııanyń araǵaıyndyǵymen Gazadaǵy qaqtyǵysty retteý boıynsha janama kelissózderdi qaıta bastaǵan edi. 9 qazanda taraptar AQSh prezıdenti Donald Tramp usynǵan beıbit jospardyń alǵashqy kezeńin iske asyrý týraly kelisimge qol qoıdy. Gazadaǵy atysty toqtatý rejımi 10 qazannan bastap kúshine endi.

Sondaı-aq HAMAS pen deldaldar arasyndaǵy kelissózdiń birinshi raýndy oń nátıjemen aıaqtalǵanyn jazǵanbyz.