Pýtın men Medvedevtiń tabysy 2,5 esege ulǵaımaq
ASTANA. QazAqparat - Reseı prezıdenti Vladımır Pýtın óziniń jáne premer-mınıstr Dmıtrıı Medvedevtiń jalaqysyn 2,65 esege ulǵaıtý týraly jarlyqqa qol qoıdy, dep habarlady Bı-Bı-Sı.
Prezıdenttiń 11 sáýirdegi jarlyǵy Kreml saıtynda jarııalandy. Qol qoıylǵan sátten bastap ol kúshine enedi.
Aǵymdaǵy jyly Pýtın birqatar Reseı sheneýnikteriniń jalaqysyn kótergen bolatyn.
Juma kúni jarııalanǵan tabys týraly deklaratsııaǵa sáıkes, 2013 jyly Reseı prezıdenti Vladımır Pýtın 2012 jylǵy tabysymen salystyrǵanda 2 mln rýbl (56,2 myń dollar) kem aqsha tapqan.
Onyń baspasóz hatshysy bul jaǵdaıdy 2 jyl buryn eńbek demalysyna tólengen qarjynyń aıyrmashylyǵyn alǵa tartyp túsindirgen bolatyn. Medvedev te ótken jyly 2012 jylmen salystyrǵanda az aqsha alǵan eken. Tabysy 5,8 mln rýblden 4,26 mln rýblge kemigen.
