Pýtın men Erdoǵan telefon arqyly sóılesti
YSTAMBUL. KAZINFORM — Vladımır Pýtın men Túrkııa Respýblıkasy Prezıdenti Rejep Taııp Erdoǵan telefon arqyly sóılesip, kelissózderdi qaıta bastaý týraly talqylady, dep jazdy Kreml.
Reseı Prezıdentiniń reseı-ýkraın tikeleı kelissózderin qaıta bastaý bastamasy egjeı-tegjeıli talqylandy. Bul kelissózderdi 15 mamyrdan bastap Ystambulda ótkizý usynyldy.
Rejep Taııp Erdoǵan bul reseılik usynysty tolyǵymen qoldaıtynyn bildirip, kelissózder úshin Ystambul alańyn usynýǵa daıyn ekenin atap ótti. Túrik tarapy turaqty beıbitshilikke qol jetkizýge baǵyttalǵan kelissózderdi uıymdastyrý men ótkizýge barynsha qoldaý kórsetetin bolady.
— Reseı Prezıdenti Máskeýde Jeńistiń 80 jyldyǵyna arnalǵan saltanatty is-sharalar jáne osy kúnderi ótken joǵary deńgeıdegi halyqaralyq kezdesýler týraly áserimen bólisti, — delingen habarlamada.
Memleket basshylary saýda-ekonomıkalyq jáne ınvestıtsııalyq baılanystardy odan ári keńeıtýge, sonyń ishinde energetıka salasyndaǵy strategııalyq birlesken jobalardy júzege asyrýǵa ortaq qyzyǵýshylyq tanytty.