Pýtın Qyrǵyzstandaǵy reseılik áskerı bazany qashan alyp ketetinin aıtty
ASTANA. QazAqparat - Reseı Qyrǵyzstandaǵy áskerı bazany jabýǵa, eger Bishkek tarapynan qandaı da bir usynys túsetin bolsa ony kerisinshe nyǵaıtýǵa daıyn, dep málimdedi Reseıi prezıdenti Vladımır Pýtın Qyrǵyzstan prezıdenti Almazbek Atambaevpen ótkizgen kelissózderdiń qorytyndysy boıynsha. Bul týraly Rıa Novostı agenttigi jazady.
Reseılik kóshbasshynyń sózinshe, Máskeý Qyrǵyzstan aýmaǵynda qandaı da bir áskerı qurylymdardyń bolýyna zárý emes. Reseılik áskerı bazanyń bolýy Ortalyq Azııa óńirinde turaqtylyq pen qaýipsizdikti qamtamasyz etýshi mańyzdy faktor.
«Reseılik baza Qyrǵyzstannyń óziniń qaýipsizdigi úshin qajet. Alaıda bolashaqta Bishkek óziniń áskerin damytyp, nyǵaıta túsetin bolady»,-dedi Reseı basshysy.
«Eger Qyrǵyzstan ókilderi «biz ózimizdiń áskerimizdi kúsheıtemiz jáne bizge mundaı baza qajet emes dep málimdegen kúni biz ol jerden ketemiz»,-dedi Pýtın.
«Biz keńeıtilgen áskerı kontıngent máselesin talqylaǵan joqpyz. Eger Qyrǵyzstan ókilderi ony qajet dep tapsa, biz ony talqylaımyz»,-dep jalǵady sózin Reseı prezıdenti.
Bul rette ol mundaı sharalardyń qosymsha shyǵyndardy qajet etetindigin de ekerte ketti.
