Pýtın Qytaıǵa saparlamaqshy
ASTANA. KAZINFORM — Qytaı Syrtqy ister mınıstrliginiń resmı ókili Go Tszıakýnnyń málimdeýinshe, taraptar eki memleket basshylarynyń kezdesýine daıyndalyp jatyr, dep habarlaıdy Kazinform agenttiginiń Beıjińdegi menshikti tilshisi.
Qytaı dıplomaty Reseı prezıdenti Vladımır Pýtınniń Qytaıǵa sapary týraly habarlamalarǵa túsinikteme berdi.
— Qytaılyq men reseılik taraptar eki memleket basshysynyń kezdesýine daıyndyq máseleleri boıynsha tyǵyz baılanysta. Qytaı tıisti aqparatty ýaqtyly jarııalaıdy, — dep málimdedi Go Tszıakýn.
Bir kún buryn Reseı prezıdentiniń baspasóz hatshysy Dmıtrıı Peskovtyń bir kún buryn habarlaýynsha, Reseı tarapy sapar týraly jaqyn arada málimdeme jasaıdy.
— Daıyndyq jumystary qazirdiń ózinde aıaqtaldy dep aıtýǵa bolady. Sapar eń jaqyn arada ótedi, — dep atap ótti Peskov.
South China Morning Post jazýynsha, Pýtınniń bir kúndik sapary 20 mamyrǵa josparlanǵan. Gonkong basylymy atap ótkendeı, bul Qytaıdyń halyqaralyq sammıtter men kópjaqty forýmdardan tys bir aı ishinde Reseı men AQSh kóshbasshylaryn qabyldaıtyn alǵashqy jaǵdaı bolmaq.
Osyǵan deıin Sı Tszınpın men Donald Tramp Beıjińde kelissóz júrgizgenin habarladyq.
