Pýtın Kıevpen aldyn ala sharttarsyz kelissóz júrgizýge daıyn
ASTANA. KAZINFORM – Reseı prezıdenti Vladımır Pýtın AQSh-tyń arnaıy elshisi Stıven Ýıtkoffpen kezdesý barysynda Ýkraına ókilderimen aldyn ala sharttarsyz kelissóz júrgizýge daıyn ekenin rastady, dep habarlaıdy reseılik TASS.
Bul týraly jýrnalısterge Kremldiń baspasóz hatshysy Dmıtrıı Peskov málim etti.
Donald Tramptyń arnaıy elshisi Stıven Ýıtkoffpen dıalog barysynda Vladımır Pýtın Máskeýdiń Kıevpen aldyn ala sharttarsyz kelissózderdi jańǵyrtýǵa daıyn ekenin aıtqan.
Peskov Pýtınniń bul týraly buǵan deıin de birneshe ret aıtqanyn eske saldy.
Osyǵan deıin RF prezıdenti Ýkraına tarapymen azamattyq nysandardy soqqy jasaý máselesin ekijaqty talqylaýdy usynǵan bolatyn.
Tramp Rım papasyn jerleý aldynda Zelenskıımen júrgizgen áńgimeni nátıjeli boldy dedi.