Pýtın Qazaqstandy ıntegratsııalyq úderisterdiń belsendi qatysýshysy dep sanaıdy
ASTANA. QazAqparat - Qazaqstan EAEO barlyq múshelerine oń yqpal etetin ıntegratsııalyq úderisterdiń belsendi qatysýshysy bolyp tabylady, dedi RF prezıdenti V. Pýtın. Bul týraly RIA Novostı habarlady.
«Qazaqstan - postkeńestik keńistiktegi ıntegratsııalyq úderisterdiń belsendi qatysýshysy. Buǵan tabysty eldiń ıntegratsııalyq jobalardy belsendi alǵa jyljytyp jatqany dálel. Ol Eýrazııalyq ekonomıkalyq odaqtyń barlyq qatysýshylaryna oń yqpal etýde», - dedi áriptesi Nursultan Nazarbaevpen áńgimelesý barysynda Pýtın.
Sondaı-aq, Reseı kóshbasshysy Qazaqstan basshysyn Táýelsizdiktiń 25 jyldyǵymen quttyqtady.
