Pýtın Qazaqstandaǵy jańa RF elshisimen Astanamen qarym-qatynasty damytý máselelerin talqylady
ASTANA. QazAqparat - Reseı Prezıdenti Vladımır Pýtın Qazaqstandaǵy jańa RF elshisi Alekseı Borodavkınmen Astanamen qarym-qatynasty damytý máselelerin talqylady. Bul týraly TASS Kremldiń baspasóz qyzmetine silteme jasap habarlady.
«Qazaqstan - bizdiń kórshimiz, strategııalyq seriktesimiz, odaqtasymyz ǵana emes, bul - óte tyǵyz, árjaqty jáne senimdi qarym-qatynas ornaǵan el. Bul bir jaǵynan jaǵymdy, al ekinshi jaǵynan qurmetti jáne jaýapty mıssııa. Osy máseleler boıynsha keńirek sóılesýdi usynamyn», - dedi V.Pýtın.
A.Borodavkın, óz kezeginde, oǵan Reseıdiń Qazaqstandaǵy elshisi etip taǵaıyndaǵany úshin alǵysyn bildirdi. «Sizdiń senimińizdi aqtaýǵa tyrysamyn. Maǵan artylǵan jaýapkershilikti túsinemin», - dedi ol.
«Ózińiz aıtyp ótkendeı, Qazaqstan - bizdiń eń jaqyn odaqtasymyz, strategııalyq seriktesimiz. Bizde úlken pozıtıvtik kún tártibi bar: EAEO, UQShU, ShYU, TMD-da birlesip jumys is júrgizý men úılestirý jáne ekijaqty qarym-qatynas boıynsha jáne yntymaqtastyq máseleleri bar. Sondyqtan, alda kóp jumys kútip tur, men muny jaqsy túsinemin», - dedi ol.
Sondaı-aq, ol Pýtındi 18 naýryzda ótken saılaýdaǵy jeńisimen quttyqtady.
Eske sala ketsek, Alekseı Borodavkın 2018 jyldyń 7 aqpanynda Reseıdiń Qazaqstandaǵy elshisi bolyp taǵaıyndalǵan.
