Pýtın Qazaqstanda IT-mamandary forýmyn ótkizý usynysyna qoldaý bildirdi
MÁSKEÝ. QazAqparat - Reseı Prezıdenti Vladımır Pýtın Nursultan Nazarbaevqa Qazaqstanda IT-mamandary forýmyn ótkizý jónindegi usynysy úshin alǵys bildirdi, dep habarlaıdy «QazAqparat» HAA tilshisi.
«Biz jańa ǵana áriptesterimizben energetıka, ǵarysh salasyndaǵy qarym-qatynastardy damytý, Baıqońyrdy paıdalaný ǵana emes, sonymen qatar Qazaqstannyń damý jolyndaǵy jańa tehnologııalar máselelerin talqyladyq. Bul jumystar bolashaqtaǵy joǵary tehnologııalyq jáne tsıfrlyq ekonomıka salalarynyń yntymaqtastyǵyna baǵyttalǵan. Joǵary deńgeıdegi bilikti mamandardyń kezdesýin Qazaqstanda uıymdastyrý jónindegi Sizdiń bastamańyzǵa rızashylyǵymyzdy bildiremiz»,- dedi Vladımır Pýtın Nursultan Nazarbaevpen Máskeýde bolǵan ekijaqty kezdesý barysynda.
Onyń aıtýynsha,Qazaqstan men Reseı arasyndaǵy qarym-qatynas damyp keledi. «Taýar aınalymynyń ósimi aǵymdaǵy jyldyń alǵashqy 10 aıynda 34 paıyzdy qurady», - dedi Reseı prezıdenti.
«Eń bastysy da ol emes. Bizdiń Qazaqstanǵa salǵan ınvestıtsııamyz 10 mıllıardtan astam. Qazaqstan bizdiń eń basty ekonomıkalyq jáne strategııalyq áriptesimiz», -dedi Vladımır Pýtın.
