Pýtın Qazaqstan Prezıdentin Reseıdegi iri halyqaralyq sharalarǵa shaqyrdy

ASTANA. KAZINFORM – Reseı Federatsııasynyń Prezıdenti Vladımır Pýtın Qazaqstandaǵy kezekti memlekettik sapary barysynda Qazaqstan basshysy Qasym-Jomart Toqaevty Reseıdegi iri halyqaralyq sharalarǵa shaqyrdy.

«Eń aldymen, osyndaı saltanatty kezdesý úshin Prezıdentke alǵys aıtqym keledi. Qasym-Jomart Kemeluly, biz sizben únemi kezdesip júrmiz jáne osyndaı jumys jaǵdaıyna úırenip te qaldyq. Osynshalyq saltanatty ráýishte qarsy alyp jatyrsyzdar. Sizge kóp rahmet.

Dostyǵymyz bir tóbe, iskerlik qarym-qatynasty da óz deńgeıinde ustap kelemiz. Bári shynymen de eń serpindi, eń jaqsy úlgide damyp jatyr. Biz únemi baılanystamyz», - dedi Reseı prezıdenti.

Sondaı-aq, ol Qasym-Jomart Toqaevty Jeńistiń 80 jyldyǵyna arnalǵan mereıtoı sharasyna shaqyrdy.

«Ózińizdi jyl sońynda Sankt-Peterbýrgte ótetin TMD aıasyndaǵy beıresmı kezdesýde kútemin. Sondaı-aq Uly Jeńistiń 80 jyldyǵyna arnalǵan saltanatty sharaǵa shaqyramyn. Bul – bizdiń ortaq jeńisimiz», - dedi Vladımır Pýtın.