Pýtın: Qazaqstan men Reseıdi týystyq qarym-qatynas baılanystyrady
ASTANA.KAZINFORM - Reseı Prezıdenti Vladımır Pýtın Qazaqstanǵa memlekettik saparyn qorytyndylaı kele, eki jaqty qarym-qatynasta gýmanıtarlyq baılanys erekshe ról atqaratynyn málimdedi. Bul eki el men halyqtar arasyndaǵy uzaqmerzimdi senimdi nyǵaıtady.
- Eki el men azamattar arasyndaǵy tyǵyz, tatý kórshilik, is júzinde týystyq qarym-qatynasty saqtaý óte mańyzdy. Bul eki el arasyndaǵy uzaq merzimdi tarıhı perspektıvaǵa senim deńgeıin qalyptastyrady, - dedi Pýtın.
Reseı Prezıdenti sondaı-aq Qazaqstan men Reseı arasyndaǵy ekonomıkalyq yntymaqtastyqtyń joǵary deńgeıin atap ótti.
- Bizde saýda aınalymy rekordtyq deńgeıge jetti. 20 mıllıard dollardan asty jáne bul odan ári ósýge oń tendentsııa kórsetedi, - dep atap ótti ol.
Pýtınniń aıtýynsha, Astanadaǵy kelissózder tek aǵymdaǵy yntymaqtastyqtyń nátıjelerin qorytyndylaýǵa ǵana emes, sonymen qatar yntymaqtastyqtyń bolashaq baǵyttaryn anyqtaýǵa múmkindik berdi. Naqtyraq aıtqanda, taraptar Qazaqstan-Reseı yntymaqtastyǵynyń jeti negizgi baǵytyn belgiledi.
Reseı men Qazaqstan is júzinde barlyq esep aıyrysýdy ulttyq valıýtada júrgizedi, bul ózara saýdany syrtqy áserden qorǵaýǵa kómektesedi. Bul týraly Astanada Qazaqstan Prezıdenti Qasym-Jomart Toqaevpen bolǵan kelissózden keıingi brıfıngide Reseı Prezıdenti Vladımır Pýtın málim etti.
