Pýtın Erdoǵanmen shilde aıynda Astanada kezdesýdi josparlap otyr

ASTANA. KAZINFORM – Reseı prezıdenti Vladımır Pýtın Túrkııa prezdenti Rejep Taııp Erdoǵanmen shilde aıynda Astanada ótetin sammıtte kezdesýdi josparlap otyr, dep habarlaıdy reseılik TASS.

«Prezıdent Erdoǵanǵa meniń eń izgi tilekterimdi jetkizýińizdi suraımyn. Menińshe, ol shildeniń 3-4 aralyǵynda ótetin halyqaralyq is-shara aıasynda Astanada bolýy kerek. Mine, sol ýaqytta kezdesip, qajetti máselelelerdi talqylaıtyn ýaqyt tabamyz degen úmittemin»,-dedi Reseı basshysy Túrkııa Syrtqy ister mınıstrliginiń basshysy Hakan Fıdanmen kedesýi barysynda.

3-4 shilde aralyǵynda Astanada Shynhaı Yntymaqtastyq uıymynyń sammıti ótedi.

Óz kezeginde Túrkııa Syrtqy ister mınıstri Pýtınniń Reseı men Túrkııanyń túrli baǵyttar boıynsha yntymaqtastyǵy jónindegi aıtqan máselelerine nazar aýdardy. Ol Ankaranyń túrli aımaqtarda bolyp jatqan janjaldardy retteýge baryn salyp jatqanyn atap ótti.

Pýtın Túrkııamen aradaǵy qarym-qatynasqa qanaǵattanatyndyǵyn jetkizdi.

«Osynyń barlyǵy da bizdiń dosymyz Túrkııa prezıdentiniń jetekshiligi men qoldaýynyń arqasynda júzege asyp jatyr», - dedi ol.

Reseı prezıdenti 2023 jyly ósim jaqsy bolǵanymen, 2024 jyly taýar aınalymy birshama tómendegendigin atap ótti.

«Degenmen biz buny eń aldymen bizdiń eksport pen ımport boıynsha negizgi taýarlarymyzǵa túzetýler engizilýimen baılanystyramyz. Men, aldaǵy ýaqytta jaǵdaıdy retteıtin múmkindik týady jáne ótken jylǵydaı damý bolady degen úmittemin. Ótken jyly bizdiń elderimizdiń arasyndaǵy taýar aınalymy absolıýtti rekord ornatty»,-dedi prezıdenti.

Arnaıy Kazinform úshin seriktes TASS agenttiginen usynyldy.