Pýtın «Býran ájeleri» turatyn aýylǵa baryp qaıtpaq (vıdeo)
ASTANA. 28 mamyr. QazAqparat - Reseı prezıdenti Vladımır Pýtın «Býran ájeleri» tobyn belgili «Evrovıdenıe» mýzykalyq baıqaýynda úzdik óner kórsetkenderi úshin quttyqtap, olardyń aýyldaryna baryp, ujymmen jeke tanysýǵa nıetin bildirdi.
Bul týraly RIA Jańalyqtary habarlady.
«Býran ájelerin» «Erovıdenıede» ekinshi oryn alǵandary úshin quttyqtaımyn», - dep keltirgen Pýtınniń sózin prezıdenttiń baspasóz qyzmeti. Prezıdent taıaýdaǵy jaqyn ýaqytta Reseı, sonyń ishinde Máskeý jurtshylyǵy «Býran ájeleriniń» kontsertterin tamashalaı alady degen úmitin bildirdi.
«Pýtın Ýdmýrtııaǵa sapary barysynda ájelermen jeke tanysýdy kózdep otyr. Olardyń aýylynda bolyp, turǵyndardyń turmysymen tanysady jáne televızor bul eldi mekende tek aýyl keńesinde ǵana bar degen aqparattyń qanshalyqty shyndyqqa janasatyndyǵyna kóz jetkizbek», - dep atap ótti baspasóz qyzmetinen.
Eske salaıyq, «Evrovıdenıe-2012» baıqaýynyń aqtyq saıysynda «Býran ájeleri» Party For Everybody ánimen ekinshi oryn aldy.
