Pýtın búgingi týǵan kúnin dostary men jaqyndary arasynda ótkizbek
ASTANA. QazAqparat - Búgin RF Prezıdenti Vladımır Pýtın 64 jasqa toldy.
Onyń baspasóz-hatshysy Dmıtrıı Peskovtyń aıtýynsha, reseılik basshy tól merekesin atap ótýge qatysty kópshilikke arnalǵan is-sharalar ótkizýdi josparlap otyrǵan joq. Ol týǵan kúnin dostary men jaqyndary arasynda ótkizbek, dep habarlaıdy QazAqparat TASS aqparattyq agenttigine silteme jasap.
«Degenmen, halyqaralyq qońyraýlar, quttyqtaýlar túsedi. Sondyqtan qandaı da bir máseleler qozǵalatyn bolady. Memleket basshylar esh ýaqytta merekelik taqyryppen ǵana shektelip qalmaıdy», - dedi Peskov.
Aıta keteıik, Vladımır Pýtın 2014 jyly kóp jyldan beri alǵash ret demalys alyp, týǵan kúnin sibir taıgasynda ótkizdi. 2015 jyly 63-inshi týǵan kúnin hokkeı alańynda ótkizdi. Ol "UHL Juldyzdary" jáne "UHL Quramasy" Túngi hokkeı lıgasy komandalarynyń matchyna qatysyp, «UHL Quramasynyń» qaqpasyna jeti shaıba saldy.
Pýtınniń RF basshylyǵyndaǵy prezıdenttik merzimi 2018 jyly aıaqtalady.
