Pýtın «Birtutas Reseı» saılaýda jeńiske jetkenin málimdedi
ASTANA. QazAqparat - Reseı Prezıdenti Vladımır Pýtın 18 qyrkúıek kúni ótken parlamenttik saılaýda «Birtutas Reseı» partııasynyń jeńiske jetkenin málimdedi.
Bul týraly Reseı Jańalyqtary agenttigi habarlaýda.
«Halyqtyń turmysy asa jaqsy emes ekenin bilemiz, problemalar da, sheshilmegen túıitkilder de jetkilikti. Degenmen de, nátıje osylaı bolyp otyr. Biraq qazirdiń ózinde túsinikti jáne exit poll-da bári túsinikti. Azdaǵan aýytqýshylyqtar bar. Degenmen, Dmıtrıı Anatolevıch partııa óte jaqsy nátıjelerge qol jetkizgenin, jeńiske jetkenin aıtýǵa bolatynyn habarlady», - dep atap ótti V.Pýtın atalmysh partııa shtabynda.
«Qıyn, aýyr, biraq adamdar báribir «Birtutas Reseıge» daýys berdi», - dep qosty ol.
Eske sala keteıik, 18 qyrkúıek kúni Reseıde Memlekettik dýmaǵa saılaý ótti.
RF Ortalyq saılaý komıssııasynyń aldyn ala málimetteri boıynsha, «Birtutas Reseı» saılaýshylardyń 45 paıyzǵa jýyq daýysyn, Lıberaldyq-demokratııalyq partııasy - 18,39, Reseı Federatsııasynyń kommýnıstik partııasy - 17,24 daýysyn jınady. «Ádiletti Reseı» 6,24 paıyz jınap, tórtinshi orynǵa, «Reseı kommýnısteri» 2,91 paıyzben besinshi orynǵa jaıǵasty.
