Pýtın BAÁ-ni Tramppen kezdesýge qolaıly jer dep atady

ASTANA. KAZINFORM – Birikken Arab Ámirlikteri Reseı-AQSh sammıtin ótkizýge qolaıly jer ataldy. Bul týraly Vladımır Pýtın Birikken Arab Ámirlikteriniń basshysymen Kremldegi kezdesýiniń qorytyndysynda aıtty, dep habarlaıdy Kazinform TASS-qa silteme jasap.

– Mundaı sharany uıymdastyrýǵa kómektesýge daıyn dostarymyz kóp. Colardyń biri – Birikken Arab Ámirlikteriniń prezıdenti. Biz bul máseleni jaqyn ýaqytta sheshemiz. Meniń oıymsha, BAÁ Reseı-AQSh sammıtin ótkizýge qolaıly oryndardyń biri bolady, - dep bólisti Pýtın. 

Sondaı-aq Kreml basshysy Vladımır Zelenskıımen kezdesýge qarsy emes ekenin aıtty. 

Eske sala keteıik, buǵan deıin Pýtın AQSh prezıdentiniń arnaıy ókili Stıven Ýıtkoffty Kremlde qabyldaǵan bolatyn. Sondaı-aq AQSh prezıdenti Donald Tramp óziniń arnaıy ókili Stıv Ýıtkofftyń Reseı prezıdenti Vladımır Pýtınmen ótkizgen kezdesýi týraly pikir bildirdi.