Pýtın Armenııa men Ázerbaıjan SІM basshylaryn Máskeýge shaqyrdy
MÁSKEÝ. TASS-QazAqparat – Reseı prezıdenti Vladımır Pýtın Armenııa men Ázerbaıjannyń SІM basshylaryn Máskeýge Taýly Qarabaq qaqtyǵysy kezinde qaza tapqandardyń máıitteri men tutqyndardy almasý máseleleri boıynsha keńesýge shaqyrdy. Bul týraly beısenbi kúni Kremldiń baspasóz qyzmeti málim etti, dep habarlaıdy QazAqparat TASS agenttigine silteme jasap.
«Ázerbaıjan Respýblıkasynyń prezıdenti Ilham Álıevpen jáne Armenııa Respýblıkasynyń premer-mınıstri Nıkol Pashınıanmen telefon arqyly sóıleskennen keıin Reseı Federatsııasynyń prezıdenti qaıtys bolǵandardyń máıitteri men tutqyndardy almasý úshin gýmanıtarlyq sebepter boıynsha Taýly Qarabaq qaqtyǵys aımaǵynda júrgizilip jatqan áskerı qımyldardy toqtatýǵa shaqyrady. Reseı Syrtqy ister mınıstriniń bitistirilýshiligimen konsýltatsııalar ótkizý úshin Ázerbaıjan men Armenııanyń syrtqy ister mınıstrleri 9 qazanda Máskeýge shaqyrylady», - delingen habarlamada.
Taýly Qarabaqtaǵy jaǵdaı 27 qyrkúıekte shıelenisip, daýly aýmaqta shaıqastar júrip jatyr.
Qarabaqtaǵy qaqtyǵys 1988 jyly aqpanda, Taýly Qarabaq avtonomııalyq oblysy Ázerbaıjan Keńester odaǵy quramynan shyǵatynyn jarııalaǵan kezde bastaldy.
1992-1994 jyldardaǵy qarýly qaqtyǵystardyń saldarynan Ázerbaıjan Taýly Qarabaq pen oǵan irgeles jatqan jeti aýdandy baqylaýdan shyǵaryp aldy.
