Pýtın amerıkalyq beıbit josparǵa qatysty pikir bildirdi

ASTANA. KAZINFORM – Reseı AQSh-tyń 28 tarmaqtan turatyn josparyn alǵanyn Reseı Federatsııasy Qaýipsizdik keńesiniń otyrysynda RF prezıdenti Vladımır Pýtın málimdedi, dep habarlaıdy TASS.

Onyń aıtýynsha, qaqtyǵysty retteýge qatysty beıbit bastamalar Alıaskadaǵy sammıtke deıin-aq talqylanǵan. Reseı bul máselelerde ıkemdilik tanytýǵa ázir ekenin rastaǵan.

Pýtınniń paıymdaýynsha, bul jospar beıbit retteýdiń negizine aınalýy múmkin. Alaıda mátin Reseımen egjeı-tegjeıli talqylanyp jatqan joq.

Eske sala keteıik, buǵan deıin AQSh Ýkraına prezıdentine beıbit jospar jobasyn tapsyrǵanyn Zelenskıı keńsesi habarlaǵan. Ýkraınalyq lıder aldaǵy kúnderi AQSh prezıdentimen «bar dıplomatııalyq múmkindikter men beıbitshilik úshin qajet negizgi tarmaqtardy» talqylaýdy josparlap otyr.

Amerıkalyq beıbit jospar 28 tarmaqtan turady. Onda, sonyń ishinde, aýmaqtyq kontsessııalar, qarýly kúshter sanynyń qysqarýy jáne keıbir qarý túrlerinen bas tartý týraly talaptar bar.