Pýtın 2020 jyly maskúnemdikti jeńý josparyn bekitti
ASTANA. Qańtardyń 18-i. QazAqparat - Ótken aptada RF premer-mınıstri Vladımır Pýtın Reseıdegi alkogolızmmen kúres tujyrymdamasyn bekitti,
dep habarlaıdy QazAqparat RIA «Novostı» agenttigine silteme jasap. Osy qujatqa saı 2020 jyly eldegi spırtti ishimdikterdi tutyný 55 paıyzǵa - Dúnıejúzilik densaýlyq saqtaý uıymy qabyldaǵan normaǵa deıin azaıady.
Tómendeý alǵashqy eki jylda 15 paıyzdy quraýy tıis. Bul úshin spırttik ishimdikterge degen eń az baǵa shekteledi. Atap aıtqanda, 2010 jylǵy qańtardyń 1-inen bastap jarty lıtrlik bir shólmek araqtyń quny 89 rýblden az bolmaýy tıis.
Dúnıejúzilik densaýlyq saqtaý uıymynyń derekteri boıynsha Reseıde alkogoldi is júzinde tutyný qazir eki ese joǵary jáne taza spırtke aınaldyrǵanda jylyna jan basyna shaqqanda 18 lıtrdi quraıdy. Suranystyń jartysynan astamy kúshti ishimdikter bolyp otyr.
