Pýtın 2018 jyly prezıdent saılaýyna qatysatyny jaıly oılanýǵa ýáde berdi
ASTANA. QazAqparat - RF prezıdenti Vladımır Pýtın 2018 jyly memleket basshysy laýazymyna saılaýǵa túsetini-túspeıtini jaıly oılanyp kóretinin málim etti, dep habarlaıdy reseılik TASS agenttigi.
Býrıatııada orman órtteriniń saldaryn joıýǵa qatysty jıyn kezinde 2017 jylǵy sáýirde ondaǵan úı órtenip ketken Cheremýshka kentimen telekópir ornatyldy. Memleket basshysyna turǵyn úılerdi qalpyna keltirý barysy jaıly aıtty. Onyń ishinde jergilikti turǵyndardyń biri - UOS ardageri sóz sóıledi. Ol Cheremýshkaǵa kórsetilip jatqan kómek úshin alǵys bildirdi.
«Vladımır Vladımırovıch, sizge ótinishimiz bar: kelesi prezıdent saılaýy bolǵan kezde, saılaýǵa qaıta túsýińizdi suraımyz. Biz óte qýanar edik», - dedi prezıdentke ardager.
«Jaqsy, men oılanyp kóreıin, rahmet», - dep jaýap berdi Pýtın, sodan keıin turǵyn úılerdi qalpyna keltirý barysy jaıly suraqty jalǵastyrdy.
