Pýtın 19-20 mamyrda resmı saparmen Qytaıǵa barady
ASTANA.KAZINFORM - Reseı prezıdenti Vladımır Pýtın sapar aldynda Reseı men Qytaı arasyndaǵy teńdessiz qarym-qatynas týraly aıtyp, Qytaı azamattaryna úndeý jasady.
Reseı prezıdenti Vladımır Pýtın 19-20 mamyrda Qytaıǵa eki kúndik saparmen barady. Sapar eki el arasyndaǵy tatý kórshilik, dostyq jáne yntymaqtastyq týraly shartqa qol qoıylǵanyna 25 jyl tolýyna oraılastyrylǵan.
2026 jyl sonymen qatar Reseı men Qytaıdyń strategııalyq seriktestigi men yntymaqtastyǵynyń ornaǵanyna 30 jyl tolady.
— Reseı-Qytaı qarym-qatynasy qazir shynymen de buryn-sońdy bolmaǵan deńgeıge jetti. Onyń erekshe sıpaty ózara túsinistik pen senim atmosferasynda, ózara tıimdi jáne teń negizde yntymaqtastyqqa, qurmetti dıalogqa jáne eki eldiń negizgi múddelerine, sonyń ishinde egemendik pen ulttyq birlikti qorǵaýǵa qatysty máseleler boıynsha bir-birin qoldaýdan kórinedi, - dedi Pýtın sapary aldynda Qytaı azamattaryna jasaǵan vıdeoúndeýinde.
Vladımır Pýtın men Qytaı tóraǵasy Sı Tszınpın ekijaqty qarym-qatynastaǵy ózekti máselelerdi, elder arasyndaǵy jan-jaqty seriktestik pen strategııalyq ózara is-qımyldy odan ári tereńdetý joldaryn talqylaýdy, sondaı-aq halyqaralyq jáne aımaqtyq mańyzdy máseleler boıynsha pikir almasýdy josparlap otyr.
Aıta keteıik, ótken aptada AQSh prezıdenti Donald Tramp Qytaıǵa memlekettik saparmen bardy.
